Եվրամիության դուռը բացվել է, և այժմ ամեն ինչ կախված է Վրաստանից, երկիրը պետք է կատարի 12 առաջնահերթությունները։ Ես իսկապես հուսով եմ, որ Վրաստանը հաջողության կհասնի, ասել է Վրաստանում Շվեդիայի դեսպան Ուլրիկ Տիդեստրոմը Վրաստանի եվրաինտեգրման վերաբերյալ։
«Վրաստանին ընձեռված եվրոպական հեռանկարը նշանակում է, որ Եվրամիությունը լավ հնարավորություն է տվել Վրաստանին Եվրամիությանն անդամակցելու համար։ Այժմ ամեն ինչ կախված է Վրաստանից, երկիրը պետք է աշխատի և կատարի 12 առաջնահերթությունները։ Ես իրոք հուսով եմ, որ Վրաստանը կհաջողի։
Շվեդիան միշտ աջակցել է վրաց ժողովրդի հստակ ընտրությանը Եվրամիությանն ինտեգրվելու ճանապարհին», — նշել է Ուլրիկ Տիդեստրոմը։
Դեսպանը նաև ասել է, որ երկրում վերջերս տարածված քաղաքական պատումը, թե Արևմուտքը փորձում է Վրաստանին ներքաշել պատերազմի մեջ, ճշմարտությունից հեռու է, որովհետև Եվրամիության ստեղծման հիմնական գաղափարը պատերազմի կանխումն է ու խաղաղության հաստատումը։
