Վրաստանի Գորիի մունիցիպալիտետի Էրգնեթի գյուղի և օկուպացված Ցխինվալիի (Հարավային Օսիա) շրջանի Սվերի գյուղի մերձակայքում գտնվող օկուպացված տարածքում ապօրինաբար Վրաստանի երկու քաղաքացի է ձերբակալվել:
Վրաստանի պետական անվտանգության ծառայության (ՊԱԾ) փոխանցմամբ՝ երկու քաղաքացիներին էլ ապօրինաբար ձերբակալել են Ռուսաստանի օկուպացիոն ուժերի ներկայացուցիչները:
Ըստ առկա տեղեկությունների՝ ձերբակալվածներից մեկը Լաշա Խեթերելին է. սա նրա 10-րդ ձերբակալությունն է, վերջին անգամ Խեթերելին Ցխինվալիի բանտից ազատ է արձակվել անցյալ տարվա սեպտեմբերին։
«Հերթական անօրինական ձերբակալման մասին տեղեկություն ստանալով՝ պետական անվտանգության ծառայությունը ակտիվացրել է ԵՄ դիտորդական առաքելության կողմից գործարկվող թեժ գիծը: Տեղեկություն է տրամադրվել Ժնևի միջազգային քննարկումների համանախագահներին և միջազգային գործընկերներին», — ասված է ՊԱԾ-ի հայտարարության մեջ։
Նշված է, որ գործարկվել են բոլոր գործող մեխանիզմները՝ ապօրինի ձերբակալված Վրաստանի քաղաքացիներին հնարավորինս արագ ազատ արձակելու համար։
