Վրաստանից չվերահսկվող Հարավային Օսիայի (Ցխինվալի) քննչական մեկուսարանից Վրաստանի երկու քաղաքացի է ազատ արձակվել, հայտնել է դե ֆակտո հանրապետության «Անվտանգության կոմիտեն»։
Վրաստանի պետական անվտանգության ծառայությունը (ՊԱԾ) նույնպես հաստատել է ձերբակալվածների վրացական կողմին հանձնելը.
«Կախա Ծելիձեին և Գիորգի Չիտաձեին անօրինական կալանքից ազատելու գործընթացում ակտիվորեն օգտագործվել են ինչպես «թեժ գծի» մեխանիզմը, որը գործում է Վրաստանում Եվրամիության դիտորդական առաքելությունը (EUMM), այնպես էլ կենտրոնական կառավարության տրամադրության տակ գտնվող բոլոր համապատասխան գործիքները» ,- հայտնել են ՊԱԾ-ից:
Ըստ դե ֆակտո կառավարության մամուլի ծառայության՝ Գորիի մունիցիպալիտետի Կղելքցեուլի գյուղի բնակիչներ 1962 թվականին ծնված Գիորգի Չիտաձեին և 1974 թվականին ծնված Կախա Ծելիձեին Հարավային Օսիայի «սահմանային ոստիկանության» աշխատակիցները ձերբակալել են փետրվարի 16-ին:
Նույն օրը Վրաստանի ՊԱԾ-ը տեղեկություն էր տարածել Դիրբի գյուղի մերձակայքում գտնվող օկուպացված տարածքում ռուսական օկուպացիոն ուժերի ներկայացուցիչների կողմից Վրաստանի երկու քաղաքացիների ձերբակալության մասին։
Ներկայում Ցխինվալիի բանտում անօրինական կերպով պահվում է Վրաստանի 6 քաղաքացի։
