Վրաստանի օկուպացված տարածքներից ներքին տեղահանված անձանց, աշխատանքի, առողջապահության և սոցիալական հարցերով նախարար Զուրաբ Ազարաշվիլին հանդիպել է առաջին կարգի շաքարային դիաբետով (շաքարախտ) հիվանդ երեխաների ծնողների հետ: Ազարաշվիլին նրանց տեղեկացրել է ծրագրային նորությունների և ապագա ծրագրերի մասին։
Առողջապահության նախարարի խոսքով, հունիսի 1-ից կտրամադրվեն ինսուլինի և շաքարային դիաբետի բուժման համար նախատեսված նյութերի եռամսյա պաշարներ՝ թեստավորման պարագաներ և արյան ստուգման ասեղներ։
Բացի այդ, ծնողներն ու շահառուները ինսուլինի հետ միասին նույն վայրում կստանան սպառվող նյութեր և այլևս ստիպված չեն լինի գնալ տարբեր հասցեներով։
Ազարաշվիլին նշել է՝ ճշգրտվել է նաև թողարկման ժամկետը՝ շահառուները հնարավորություն կունենան ցանկացած պահի մատակարարումներ ստանալ՝ իրենց համար սահմանված քանակից 10 օր առաջ։
