Ռուսաստանի օդային տրանսպորտի դաշնային գործակալությունը «Ռոսավիացիա»-ն թույլ է տվել շաբաթական 284 չվերթ իրականացնել Ռուսաստանի և Վրաստանի քաղաքների միջև, գրում է Netgazeti-ն՝ հենվելով ռուսական աղբյուրներին:

Տեղեկության համաձայն, Վրաստանի կառավարությունը նոր թռիչքի թույլտվություն դեռ չի տվել։ Ռուսական կողմը թույլտվությունների մեծ մասը տվել է ռուսական Red Wings ավիաընկերությանը, որը ցանկանում է թռիչք կատարել հետևյալ ուղղություններով.

• Վլադիկավկազից՝ Բաթումի և Թբիլիսի,
• Եկատերինբուրգից՝ Բաթումի և Քութայիսի,
• Ժուկովսկուց՝ Բաթումի, Քութայիսի և Թբիլիսի,
• Կազանից՝ Բաթումի և Քութայիսի,
• Կրասնոդարից՝ Թբիլիսի, Բաթումի և Քութայիսի,
• Մախաչկալայից՝ Բաթումի, Քութայիսի և Թբիլիսի,
• Մինվոդիից՝ Բաթումի և Թբիլիսի,
• Մոսկվայից՝ Բաթումի և Թբիլիսի,
• Նիժնի Նովգորոդից՝ Բաթումի, Քութայիսի և Թբիլիսի,
• Պերմից՝ Բաթումի, Քութայիսի և Թբիլիսի,
• Դոնի Ռոստովից՝ Բաթումի, Քութայիսի և Թբիլիսի,
• Սամարայից՝ Բաթումի և Քութայիսի,
• Սոչիից՝ Թբիլիսի, Բաթումի և Քութայիսի,
• Տյումենից՝ Քութայիսի և Թբիլիսի,
• Ուֆայից՝ Քութայիսի և Թբիլիսի,
• Չելյաբինսկից Բաթումի, Քութայիսի և Թբիլիսի:

Դեպի Վրաստան թռիչքի թույլտվություն են ստացել նաև հետևյալ ավիաընկերությունները՝ Россия, ЯмалRossiya և Yamal:

Այս պահին Վրաստանի և Ռուսաստանի միջև ուղիղ չվերթեր են իրականացնում ռուսական Azimuth և վրացական Georgian Airways ավիաընկերությունները։