Արիզոնայի պետական համալսարանի (ASU` Միացյալ Նահանգների ամենամեծ կրթական և հետազոտական համալսարանը` միասնական կառավարման ներքո) Մաքքեյնի ինստիտուտը Սալոմե Զուրաբիշվիլին հայտարարել է 2025 թվականի Քիսինջերի կրթաթոշակառու։
«Նախագահ Զուրաբիշվիլին մարմնավորում է Քիսինջերի կրթաթոշակային պետականության քաղաքական խիզախությունն ու իդեալները», — ասել է Մաքքեյնի ինստիտուտի գործադիր տնօրեն Էվելին Ֆարկասը:
Քիսինջերի կրթաթոշակն աջակցում է Մաքքեյնի ինստիտուտի առաջնորդական ծրագրերի հիմնական արժեքներին և կենտրոնանում է արտաքին քաղաքականության և ազգային անվտանգության առաջնորդների ռազմավարական հմտությունների զարգացման վրա:
«Մաքքեյնի ինստիտուտն այսօր նախագահ Սալոմե Զուրաբիշվիլիին հայտարարել է որպես 2025 թվականի կրթաթոշակառու։ Այս ընկերակցությամբ նախագահ Զուրաբիշվիլին կօգտագործի իր հսկայական դիվանագիտական, առաջնորդական և քաղաքականություն մշակելու փորձը, որպեսզի օգնի իր երկիրը տանել դեպի նոր ընտրություններ և ժողովրդավարական ճանապարհ», — գրել է Մաքքեյնի ինստիտուտը:
Մաքքեյնի ինստիտուտը նշել է, որ պաշտոնավարման ընթացքում Զուրաբիշվիլին հաստատակամորեն պաշտպանել է Վրաստանի ուղին դեպի ԵՄ և ՆԱՏՕ ինտեգրում, աջակցել է ժողովրդավարական բարեփոխումներին և պայքարել ինքնավարության դեմ:
Նշենք` Հենրի Քիսինջերի կրթաթոշակը Մաքքեյնի ինստիտուտի ծրագիր է, որն ուղղված է արտաքին քաղաքականության և ազգային անվտանգության առաջնորդների ռազմավարական հմտությունների զարգացմանը: Կրթաթոշակը կրում է դոկտոր Հենրի Ա. Քիսինջերի անունը և ընդգծում է նրա կարիերան բնութագրող սկզբունքները.
- Ռազմավարական ղեկավարություն
- Սկզբունքային քաղաքականություն
- Համաշխարհային ժողովրդավարության և անվտանգության պաշտպանություն
Կրթաթոշակի շահառուներն այն անձինք են, որոնք աչքի են ընկել կարևոր պետական որոշումների կայացմամբ, միջազգային դիվանագիտական փորձով և ժողովրդավարական արժեքների պաշտպանությամբ: Ծրագիրը թույլ է տալիս նրանց խորացնել իրենց ազդեցությունը միջազգային խնդիրների վրա և աջակցել ժողովրդավարական մարտահրավերների առջև ծառացած երկրներին։
