Վրաստանի նախագահ Սալոմե Զուրաբիշվիլին հեռախոսազրույց է ունեցել Ադրբեջանի նախագահ Իլհամ Ալիևի հետ: Նախագահ Զուրաբիշվիլին շնորհակալություն է հայտնել Ադրբեջանի նախագահին Կախիի շրջանի Ալիբեգլո գյուղում վրացական դպրոց բացելու համար:
Իր հերթին Ալիևը ևս մեկ անգամ հաստատել է Ադրբեջանի աջակցությունը Վրաստանին՝ որպես երկրի բարեկամ և ռազմավարական գործընկեր:
Սալոմե Զուրաբիշվիլին նաև շնորհակալություն է հայտնել Համաշխարհային առողջապահության կազմակերպության Եվրոպայի տարածաշրջանային գրասենյակի ղեկավարի ընտրական գործընթացում Վրաստանի թեկնածուին աջակցելու համար: Զրույցի ընթացքում նախագահը Իլհամ Ալիևին հրավիրել է Վրաստան: Տեղեկատվությունը տարածում է նախագահի աշխատակազմը:
Հիշեցնենք, սեպտեմբերի 13-ին Ադրբեջանի Կախի շրջանի Ալիբեգլո գյուղում բացվեց վրացական դպրոց:
