Մառնեուլիից Սադախլո տանող ճանապարհին քիչ առաջ տեղի ունեցած վթարի զոհերն ամուսիններ են։

Կինը՝ մոտ 55 տարեկան էր, ամուսինը՝ մոտ 60 տարեկան։ Կինը ծայրահեղ ծանր վիճակում տեղափոխվել էր Մառնեուլիի «Ջեո» հոսպիտալ-հիվանդանոց, ուր քիչ անց մահացել է։ Ամուսնու  ստացած վնասվածքները ևս կյանքի հետ անհամատեղելի էին, նա մահացել է Մառնեուլիի Ավերսի կլինիկայում: Հիվանդանոցի հերթապահ բժիշկը Ալիքին փոխանցեց, որ մահացածները Ադրբեջանի քաղաքացիներ են: Մնացած 11 վիրավորները տեղափոխվել են Թբիլիսիի տարբեր հիվանդանոցներ:

Հիշեցնենք՝ այսօր երեկոյան խոշոր ավտովթար է գրանցվել Վրաստանում՝ Մառնեուլի֊Սադախլո հատվածում։