Վրաստանի իշխող «Վրացական երազանք» կուսակցության անդամ Իրակլի Կոբախիձեն անդրադարձել է Վրաստանի երրորդ նախագահ Միխեիլ Սաակաշվիլիին.
«Միխեիլ Սաակաշվիլին ընդհանրապես կորցրել է ակտուալությունը և շուտով կկորցնի այն ամենուրեք ու ամեն ինչում: Նրա հայտարարությունը, բնականաբար, որևէ նշանակություն չունի: Նա վտանգավոր է ինչպես ղեկին, այնպես էլ ետևի նստատեղին: Այս մասին լավ գիտի վրաց հանրությունը և Սաակաշվիլիին չի տրամադրի ոչ ղեկը, ոչ էլ` ետևի նստատեղը»:
Հիշեցնենք՝ Սաակաշվիլիին հարցազրույցներից մեկի ընթացքում լրագրողը հարց է ուղղել ` արդյո՞ք կցանկանար վերադառնալ Վրաստան և զբաղեցնել նախագահի պաշտոնը: Նա պատասխանել է, որ մեքենայում չի սիրում ետևի նստատեղը զբաղեցնել, իրենը ղեկն է:
