Թբիլիսիի քաղաքային դատարանում Վրաստանի երրորդ նախագահ, այժմ անազատության մեջ գտնվող Միխեիլ Սաակաշվիլիի ընթացող դատավարության ժամանակ հեռավար կարգով ներկա գտնվող ամերիկացի վնասվածքաբան-օրթոպեդ վիրաբույժ Ջեյմս Կոբը նշել է, որ Սաակաշվիլիին մի քանի վիրահատություն է անհրաժեշտ, հակառակ դեպքում նա չի կարողանա շարժվել։
Կոբի խոսքով, Սաակաշվիլիի մոտ առկա են հետևյալ ախտորոշումները.
- ձախ ուսի հոդի արթրիտ,
- ձախ ազդրային հոդի արթրիտ,
- պարանոցի հատվածում գտնվող միջողնային սկավառակի վնասվածք և ռադիկուլոպաթիա,
- ողնաշարի ստենոզ, որի հիման վրա ճնշում կա ողնուղեղի նյարդերի վրա.
Ըստ Կոբիի՝ թվարկված ախտորոշումներից բացի, պարանոցի և ձախ ուսի հոդերի խնդիրն ամենալուրջն ու ցավոտն է։
«Անհրաժեշտ է պարանոցի վիրահատություն կատարել, ձախ ուսի հոդի վիրահատություն` նույնպես։ Նաև` վիրահատական միջամտություն է հարկավոր ձախ ազդրի հոդի վրա։ Նրա շարժունակության խնդիրը խիստ բարդացած է։ Եթե այդ գործողությունները ժամանակին չկատարվեն, իրավիճակն էլ ավելի կբարդանա, ու գործնականում նա չի կարողանա քայլել ու շարժվել»,- ասել է Կոբին։
Բժիշկը Սաակաշվիլիին խորհուրդ չի տվել ֆիզիկապես ներկա լինել դատավարությանը
