2023 թվականի օգոստոսին Ռուսաստանից դրամական փոխանցումների (տրանսֆերտների) ծավալը նվազել է 45,6 տոկոսով, հայտնում է Վրաստանի Ազգային բանկը (ԱԲ):
Օգոստոսին ամենամեծ փոխանցումը՝ 60,3 մլն դոլար, կատարվել է Ռուսաստանից, սակայն նախորդ տարվա նույն ժամանակահատվածի համեմատ նվազում է նկատվել։ Ռուսաստանի մասնաբաժինը ընդհանուր տրանսֆերտների մեջ կազմում է 21 տոկոս:
Ըստ ԱԲ-ի տվյալների՝ 2023 թվականի օգոստոսին երկիր տրանսֆերտների հոսքերի ծավալը կազմել է 287 մլն դոլար (752,6 մլն լարի), ինչը 14,1 տոկոսով (47,3 մլն դոլար) պակաս է 2022 թվականի օգոստոսի համանման ցուցանիշից։
Օգոստոսին կատարված դրամական փոխանցումների ծավալով երկրորդ տեղում Իտալիան է՝ 45 մլն դոլար (տարեկան աճը՝ 23 տոկոս), երրորդում՝ Ամերիկան՝ 40,2 մլն դոլար (աճը՝ 37,6 տոկոս), չորրորդը՝ Գերմանիան՝ 20,4 մլն դոլար (աճը՝ 33 տոկոս), հինգերորդը Հունաստանը՝ 20 մլն դոլար (աճը 6 տոկոս)։
Ի դեպ, 2023 թվականի օգոստոսին Վրաստանից արտերկիր է ուղարկվել 29,2 մլն դոլար (76,6 մլն լարի), ինչը 1 տոկոսով պակաս է 2022 թվականի օգոստոսի համանման ցուցանիշից:
