Օգոստոսյան պատերազմի 13-րդ տարելիցից երկու օր առաջ Ռուսաստանը խոսում է Վրաստանի հետ հարաբերությունները վերականգնելու պատրաստակամության մասին: Այս մասին ՌԴ ԱԳՆ-ն հայտարարություն է հրապարակել Twitter-ում:

Համառոտ հայտարարության մեջ նախ Սաակաշվիլիի իշխանությունը բնութագրվում է որպես «հանցավոր ռեժիմ», ապա Մոսկվան հայտնում է պատրաստակամություն` հարաբերությունների վերականգնման համար, և ըստ նրանց` «Թբիլիսիում ողջամտությունը կհաղթի»:

Հայտարարության մեջ ոչինչ չի ասվում, թե ինչ պայմաններով կարող են բարելավվել երկու երկրների հարաբերությունները:

«Ռուսաստանը երբեք Միխեիլ Սաակաշվիլիի հանցավոր ռեժիմը չի հավասարեցրել վրաց ժողովրդի հետ:

Մենք պատրաստ ենք բարելավել հարաբերությունները այնքանով, որքանով պատրաստ է վրացական կողմը: Հույս ունենք, որ Թբիլիսիում ողջամտությունը կհաղթի», — գրել է ՌԴ ԱԳՆ ներկայացուցիչ Ալեքսանդր Բիկանտովը:

Հատկանշական է, որ գրառմանը կից հրապարակված քարտեզը չի ներառում Վրաստանի կողմից չվերահսկվող տարածքներ Աբխազիան ու Օսիան։

#Bikantov: Russia has never equated Mikheil Saakashvili’s criminal regime with the people of Georgia

We are ready to mend fences as long as and to the extent that Georgia feels ready to do so. We hope common sense will prevail in Tbilisi. pic.twitter.com/C8ngVjNjnZ

— MFA Russia (@mfa_russia) August 5, 2021