Արդարադատության նախարարությունն իրավունք ունի այսօրվանից՝ սեպտեմբերի 3-ից կազմակերպություններին գրանցել «ռուսական օրենքով» նախատեսված ռեգիստրում, տուգանել կամ սկսել, այսպես կոչված, մոնիտորինգ:

Սահմանադրական դատարանը դեռ չի որոշել՝ ժամանակավորապես կկասեցնի օրենքը, թե` ոչ։ Դա կարող է լինել միայն այն դեպքում, եթե ընդունի նախագահի, խորհրդարանական ընդդիմության և հասարակական կազմակերպությունների ու լրատվամիջոցների համատեղ հայցը և որոշի, որ մինչև վերջնական վճռի կայացումն անհրաժեշտ է ժամանակավորապես կասեցնել օրենքի կիրառումը։

Կազմակերպչական նիստը կայացել է օգոստոսի 29-ին, 30-ին և 31-ին։ Քաղաքացիներն արդեն երրորդ օրն է սպասում են ՍԴ որոշմանը:

«Գործակալների օրենք»-ի ընդունումը հունիսի 3-ին ստորագրել է խորհրդարանի նախագահ Շալվա Պապուաշվիլին։

Օրենքն ուժի մեջ է մտել օգոստոսի 3-ին՝ հրապարակումից 2 ամիս անց։ Կազմակերպություններն «Օտարերկրյա ուժերի շահերի կրող կազմակերպությունների ռեեստրում» կամավոր գրանցման համար ունեին 1 ամիս ժամանակ։

Երեկ՝ սեպտեմբերի 2-ին, արդարադատության փոխնախարար Թամար Տկեշելաշվիլին հայտարարեց, որ գրանցամատյանում գրանցված է 469 կազմակերպություն, ինչն ընդհանուր թվի 2 տոկոսն էլ չի կազմում։ Հստակ չէ նաև, որ գրանցման համար նախարարություն դիմած բոլոր կազմակերպություններն են ֆինանսավորում ստանում միջազգային դոնորներից։