2008 թվականի օգոստոսյան պատերազմի 14-րդ տարելիցի կապակցությամբ Վրաստանի Գորի քաղաքի Արվեստի տանը ռուսական ապատեղեկատվության ուժեղացման մասին քննարկում է տեղի ունեցել։
Բանախոսներ «Խորհրդային անցյալի գիտահետազոտական լաբորատորիայի հետազոտող» Իրակլի Խվադագիանին, ԱՄՆ ՄԶԳ տեղեկատվության հուսալիության խթանման ծրագրի ղեկավար Միխեիլ Բենիձեն, «Լրատվամիջոցների զարգացման հիմնադրամի տնօրեն» Թամար Կինցուրաշվիլին խոսել են այն մարտահրավերների և սպառնալիքների մասին, որոնց այսօր բախվում է Վրաստանը։
«14 տարի անց, կարելի է ասել, ինչ-որ առումով մոռացել ենք այն իրականությունը, որի միջով անցել ենք. կայսերական Ռուսաստանի հետ տասնամյակների ու դարերի տխուր համակեցության փորձ ունենք, այս ամենը կարծես մոռանում ենք։
Ռուսական քարոզչությունը միտումնավոր փորձում է վերահղել նետերը։ Նախ նա փորձեց Վրաստանը ներկայացնել որպես ագրեսոր, իսկ հիմա փորձում է ամեն ինչ բարդել Արևմուտքի վրա», — ասել է Միխեիլ Բենիձեն։
Նշենք, որ 2008 թվականի ռուս-վրացական պատերազմից 14 տարի է անցել։
