Փոթիում տարերային աղետի հետևանքների վերացման աշխատանքը շարունակվում է։

Փոթիի քաղաքապետարանի տվյալներով, քաղաքը ողողած հորդառատ անձրևների հետևանքով հեղեղվել է ծովափը։ Ուժեղ քամին վնասել է բազմամյա ծառերը։

Սամեգրելոյի մունիցիպալիտետում կլիմայական պայմանների վատթարացման հետևանքով հունից դուրս է եկել Տեխուրա գետը։

Տարերային աղետի պատճառով Փոթիում ջրամատակարարումը սահմանափակվել է։ Այս պահին քաղաքն ամբողջությամբ ապահովված է բնական գազով և էլեկտրաէներգիայով։ Փոթիի քաղաքապետարանի համապատասխան ծառայությունները շարունակում են աշխատել արտակարգ ռեժիմով։