Վրաստանի նախկին վարչապետ, իշխող «Վրացական երազանք» կուսակցության հիմնադիր և նախագահ, մեծահարուստ Բիձինա Իվանիշվիլին «Իմեդի LIVE»-ին տված հարցազրույցում ասել է, որ Վրաստանն ընդունել է լավագույն Սահմանադրությունն ու «ամբողջ Եվրոպան ծափահարում է մեզ»:
Իվանիշվիլին հարցազրույցում խոսել է նախագահի լիազորությունների մասին։
«Նախագահական ընտրությունների լեգիտիմության մակարդակը շատ բարձր է և Սահմանադրությամբ ամրագրված իրավունքները չեն համապատասխանում այդ լեգիտիմությանը: Ցավոք, թիմը զեկույց է ներկայացնում ընդդիմությանը. Վենետիկյան հանձնաժողովը, Եվրոպան և Միացյալ Նահանգները նույնիսկ կարծում են, որ նախագահական ընտրությունները չպետք է լինեն ուղիղ կարգով», — ասել է նախկին վարչապետը:
Իվանիշվիլին խոսել է նաև նախընտրական շրջանում ընդդիմության հայտարարությունների մասին՝ նշելով, որ նախագահի լիազորությունները թույլ չեն տալիս կատարել տրված խոստումները:
Անդրադառնալով նախագահական ընտրությունների առաջին փուլի արդյունքներին՝ նախկին վարչապետը խոսել է միասնական ընդդիմության և «Վրացական երազանքի» աջակցությունը վայելող թեկնածուների մասին՝ հավելելով, թե «փոքր տղամարդիկ պայքարում էին, բայց տիկինն ուժեղ է և դիմացավ»:
