Վրաստանի տարածքային զարգացման և ենթակառուցվածքների նախարարության ավտոճանապարհային դեպարտամենտի տեղեկատվությամբ, եղանակային բարդ պայմանների պատճառով, միջպետական նշանակության Կոդա-Փարցխիսի-Մանգլիսի-Ծալկա-Նինոծմինդա ավտոճանապարհի 94-110 կմ (Փարվանայի լեռնանցք) հատվածում բոլոր տեսակի տրանսպորտային միջոցների երթևեկությունն արգելված է:

Ավտոճանապարհային դեպարտամենտը վերոնշյալ հայտարարությունը տարածել է հունվարի 20-ի ժամը 10:00-ի տվյալով:

Նույն տեղեկությամբ՝ ինտենսիվ մաքրման աշխատանքների արդյունքում միջազգային նշանակության Թբիլիսի-Սենակի-Լեսելիձե և Ախալքալաք-Կարծախի ավտոճանապարհներին այս պահին երթևեկությունն ազատ է։