Հանրային ծառայությունում ադմինիստրատիվ պայմանագրով աշխատող անձինք աշխատանքից հեռացվելու և պայմանագրի խզման մասին կտեղեկացվեն երեք օր առաջ։ Նման դեպքում նրանց կփոխհատուցվի 2 ամսվա աշխատավարձի չափով։
«Վրացական երազանք»-ի չլեգիտիմացված պատգամավորների նախաձեռնությամբ ևս մեկ անգամ փոփոխություններ են նախատեսվում «Հանրային ծառայության մասին» օրենքում։ Օրենքի նախագիծն արդեն ներկայացվել է խորհրդարանում և քննարկվում է արագացված կարգով։
Վերոնշյալ օրենքում փոփոխություններ են կատարվել նախորդ տարվա դեկտեմբերին, որոնց նորույթներից մեկն այն է, որ պետական հիմնարկի հիմնական կառուցվածքային ստորաբաժանման ղեկավարներն ու տեղակալներն այլևս չեն համարվում քաղաքացիական ծառայողներ. այդ անձինք դարձել են ադմինիստրատիվ պայմանագրով աշխատողներ:
Ի դեպ, գործող օրենքով՝ առաջնային կառուցվածքային ստորաբաժանման ղեկավարների և նրանց տեղակալների վարչական պայմանագիրը կարող է լուծվել մեկ ամիս առաջ ծանուցմամբ։ Նման դեպքում նրանց պետք է վճարվի 1 ամսվա փոխհատուցում։
