«Վրացական երազանք»-ի ընտրած 6-րդ նախագահ Միխեիլ Կղավելաշվիլին ներքին գործերի նախարարության (ՆԳՆ) բարձրաստիճան պաշտոնյաներին պարգևատրել է «Պատվո շքանշան»-ով։
Ըստ տեղեկության` պատժամիջոցների ենթարկված ՆԳՆ բարձրաստիճան պաշտոնյաները պարգևատրվել են «օրենքի և կարգի ամրապնդման գործում առանձնահատուկ ներդրման համար»։
Նրանց թվում են եվրոպամետ հանրահավաքների բռնի ցրմանը մասնակցած անձինք, նաև` ԱՄՆ-ի, Մեծ Բրիտանիայի և եվրոպական մի շարք երկրների կողմից պատժամիջոցների ենթարկվածները։
Պետական մրցանակներ են շնորհվել հետևյալ անձանց.
- ՆԳ նախարար, չլեգիտիմացված Վախթանգ Գոմելաուրի,
- ՆԳ նախարարի տեղակալ Շալվա Բեդոիձե,
- ՆԳ նախարարի տեղակալ Իոսեբ Ճելիձե,
- ՆԳ նախարարի տեղակալ Գիորգի Բութխուզի,
- ՆԳ նախարարի տեղակալ Ալեքսանդրե Դարախվելիձե,
- ՆԳՆ հատուկ հանձնարարությունների վարչության ղեկավար Զվիադ («Խարեբա») Խարազիշվիլի,
- ՆԳՆ պարեկային ոստիկանության պետ Վաժա Սիրաձե,
- ՆԳՆ Կենտրոնական քրեական ոստիկանության վարչության տնօրեն Թեմուր Կուպատաձե,
- ՆԳՆ հատուկ հանձնարարությունների վարչության («Խարեբա») ղեկավարի տեղակալ Միրզա Կեզևաձե,
- ՆԳՆ հատուկ առաջադրանքների վարչության փոխտնօրեն Միլլերի Լագազաուրի,
- Թբիլիսիի ոստիկանության վարչության տնօրեն Սուլխան Թամազաշվիլի։
«Վրացական երազանք»-ի կառավարության դեմ միջազգային պատժամիջոցների կիրառումը սկսվել է 2023 թվականին, ակտիվացել 2024 թվականին և շարունակվում է նաև 2025-ին։
