Լուսանկարը՝ radiotavisupleba.ge-ից
Քաղցկեղով հիվանդները և նրանց ընտանիքի անդամները փետրվարի 4-ին՝ Քաղցկեղի դեմ պայքարի միջազգային օրը, հավաքվել էին Վրաստանի խորհրդարանի շենքի մոտ և առողջապահության նախարարությանը խնդրել՝ վերացնել բուժման համար պետության սահմանած 25 հազար լարիի սահմանաչափը և լիովին ֆինանսավորել հիվանդներին։
Հանրահավաքի մասնակիցների կարծիքով, պետք է ֆինանսավորվի նաև հիվանդության ախտորոշումը։ Պետությունից պահանջում են նաև ժամանակին ֆինանսավորում։
Հանրահավաքին միացած քաղաքացիների խոսքով, շուկայում նաև ուռուցքաբանական դեղամիջոցների պակաս կա։
Քաղցկեղով հիվանդների աջակցության ցույցը կազմակերպել էր Union for Life կազմակերպությունը։
