Այսօր Երևանում մեկնարկեց արդեն 15-րդ անգամ անցկացվող Ոսկե Ծիրան ֆիլմերի միջազգային փառատոնը, որն ութ օր շարունակ կինոսերներին կմիավորի անմոռանալի կինոդիտումների, հանդիպումների, քննարկումների,  աշխարհահռչակ կինոռեժիսորների հետ վարպետության դասերի շուրջ։

Այս տարի փառատոնի պատվավոր հյուրերն են օսկարակիր Դարեն Արանովսկին և «Ոսկե առյուծ» մրցանակի դափնեկիր Ջանֆրանկո Ռոզին, որոնց ֆիլմերը կներկայացվեն «Հետահայաց ցուցադրությամբ»:

Փառատոնը կբացվի Ռոբեր Կետիկյանի «Առանձնատունը» ֆիլմով: Փակման ֆիլմը Թերի Գիլիամի «Դոն Կիխոտին սպանողը»-ն է:

Փառատոնի շրջանակներում կլինի նաև հատուկ ծրագիր նվիրված ռեժիսոր Դավիթ Սաֆարյանի 65 ամյակին։

Հուլիսի 8-ին փառատոնի բացման հանդիսավոր արարողությանը ներկա էին նաև Հայաստանի վարչապետ Նիկոլ Փաշինյանը՝ տիկնոջ Աննա Հակոբյանի հետ, նախագահ Արմեն Սարգսյանը, մշակույթի նախարար Լիլիթ Մակունցը և այլոք։