Վրաստանի հանրային պաշտպան Նինո Լոմջարիան հաստատել է, որ Աջարիայի հանրային հեռարձակողը խտրականություն է ցուցաբերել՝ տարակարծիք լինելու համար աշխատանքից ազատելով լրագրող Նատալի Ջախուտաշվիլիին:
Օմբուդսմենը Ջախուտաշվիլիի գործով հանձնարարական է տվել 2022 թվականի նոյեմբերի 29-ին։ Լրագրողի իրավունքները պաշտպանել է նաև Վրաստանի «Երիտասարդ իրավաբանների ասոցիացիան» (ՎԵԻԱ)։
Ջախուտաշվիլին աշխատել է Հանրային հեռարձակողի Աջարիայի հեռուստատեսության և ռադիոյի լրատվական ծառայությունում՝ որպես Թբիլիսիի բյուրոյի թղթակից։ 2021 թվականի դեկտեմբերի 30-ին հեռարձակողի տնօրենը հրաման է արձակել խզել աշխատանքային պայմանագիրը։
Աշխատանքի վերջին ամիսներին Ջախուտաշվիլիին հանձնարարվել է քննադատական մեկնաբանություններ չանել, հակառակ դեպքում կհեռացվի քաղաքական լուրեր լուսաբանելու հնարավորությունից։ 2021 թվականի խորհրդարանական ընտրություններից հետո նրան ասել են, որ այլևս չի աշխատելու քաղաքականության ուղղությամբ և տեղափոխվել է տնտեսական բաժին։
Ըստ ՎԵԻԱ-ի՝ Ջախուտաշվիլին քննադատական և ոչ կառավարական հռետորաբանություն պարունակող պատմություններ է ունեցել, ինչը հիմք է դարձել աշխատանքային պայմանագիրը խզելու համար:
Լոմջարիան համարել է, որ Ջախուտաշվիլիի աշխատանքային պայմանագրի ժամկետը լրանալու պատճառով աշխատանքից ազատելը նրա նկատմամբ խտրական վերաբերմունքը կոծկելու օրինական միջոց է։ Ըստ օմբուդսմենի՝ այդ փաստարկը չի ցրում խտրականության կանխավարկածը։
