Պետական խնամքի և օժանդակության գործակալությունը հայտարարություն է տարածել Նինոծմինդայի մանկատան վերաբերյալ` նշելով, որ 6 անչափահասներ ցանկություն են հայտնել լքել հաստատությունը:
Ինչպես նշված է հայտարարության մեջ, գործակալությունն արդեն ապահովել է նրանց տեղափոխումը խնամքի մեկ այլ վայր: Նշվում է, որ ևս 10 երեխա է տեղափոխվելու ցանկություն հայտնել, ինչի շուրջ ընթանում են աշխատանքներ:
«Այն բանից հետո, երբ երեխաների խնամքի ծառայությանը հնարավորություն տրվեց մտնել Նինոծմինդայի մանկատուն ու իրականացնել իր գործունեությունը, 6 անչափահասներ ցանկություն հայտնեցին լքել հաստատությունը: Գործակալությունն արդեն ապահովել է նրանց տեղափոխումը խնամքի մեկ այլ վայր: Ներկայումս ընթանում են ինտենսիվ աշխատանքներ ևս 10 երեխայի տեղափոխման ուղղությամբ: Այս պահին Նինոծմինդայի մանկատանն են գտնվում սոցիալական աշխատողները և Բժշկական գործունեության կարգավորման պետական գործակալության ներկայացուցիչները: Փաստերի հետ կապված՝ հետաքննության շահերից ելնելով, գործով ներգրավվել են նաև գործակալության հոգեբանները», — ասված է հայտարարության մեջ:
