Վրաստանի ՆԳՆ ավիացիոն անվտանգության վարչության պետի տեղակալին Թբիլիսիի ծայրամասում հայտնաբերել են սեփական մեքենայում հրազենային վնասվածքով։ Այս մասին հայտնում է Mtavari հեռուստաալիքը։
Մահացածը 28-ամյա Լևան Սուլաշվիլին է։ Շրջանառվում է ինքնասպանության վարկածը, ինչը երիտասարդի ծնողները բացառում են։
Սուլաշվիլիի մայրը նշել է, որ տեղի ունեցածը կարող է կապ ունենալ որդու՝ ներքին գործերի նախարարության բարձրաստիճան պաշտոնյաներից մեկի հետ ունեցած կոնֆլիկտի հետ։
Հայրն ասել է, որ Լևանի մեքենան հայտնաբերվել է Թբիլիսյան ծովի մոտ։ Ընտանիքը կասկածելի է համարում, որ դիակը մահից մի քանի ժամ անց հայտնաբերվել է նման անհասանելի վայրում։
Հատուկ քննչական ծառայությունը միջադեպը հետաքննում է Վրաստանի քրեական օրենսգրքի 115-րդ հոդվածով, որը ենթադրում է ինքնասպանություն։
