Խորհրդարանական ընտրություններից երկու օր առաջ Վրաստանի ֆինանսների նախարարության քննչական ծառայությունը խուզարկություն է իրականացրել երեք կազմակերպությունների վրաստանյան գրասենյակներում և աշխատակիցների բնակարաններում:
Դրանք են՝ ամերիկյան Concentrix ընկերության վրաստանյան գրասենյակը, Mercatus Capital-ի հիմնադիր Վալերի Տկղեշելաշվիլիի, ամերիկյան «Ատլանտյան խորհրդ»-ի DFRLab-ի վրացի հետազոտողներ Էթո Բուզիաշվիլիի և Սոփո Գելավայի բնակարանները:
Քաղաքացիական հասարակությունը քննչական ծառայության ախատանքը նմանեցնում է կրեմլյան աշխատելաոճի: Ըստ նրանց՝ վերոնշյալ կազմակերպությունների աշխատանքից դժգոհ է միայն Վրաստանի կառավարությունը և Կրեմլը:
Վրաստանի ֆինանսների նախարարության քննչական ծառայությունը հայտնում է, որ օպերատիվ տվյալների հիման վրա «զանգերի կենտրոնների» գործով երեք գրասենյակներում խուզարկություններ են կատարվել։
«Հաստատություններում աշխատող անձանց մի մասն առնչություն ունի նախկինում հայտնաբերված նմանատիպ հանցավոր զանգերի կենտրոնների հետ»,- ասվում է տարածած տեղեկատվության մեջ։
