Վրաստանի նախագահ Սալոմե Զուրաբիշվիլին արձագանքել է դեկտեմբերի 3-4-ին Թբիլիսիի Ռուսթավելիի պողոտայում տեղի ունեցած ցույցի ցրմանը։ Նա իշխող «Վրացական երազանք»-ի հատուկջոկատայիններին անվանել է «ՕՄՈՆ»՝ նշելով ոստիկանությունը անհամաչափ ուժ է կիրառում։
«Բռնության և ռեպրեսիաների 6-րդ օրը»,- X սոցիալական ցանցում գրել է նախագահը:
Ըստ նախագահի՝ «Վրացական երազանք»-ի «ՕՄՈՆ» ուժերը «վայրագորեն ցրել են եվրոպամետ խաղաղ ցույցի մասնակիցներին»։
«Անհամաչափորեն օգտագործվում են արցունքաբեր գազ և ջրցան մեքենաներ։ Կան զանգվածային ձերբակալություններ և ոչ պատշաճ վերաբերմունքի դեպքեր»,- գրել է Զուրաբիշվիլին։
Ի դեպ, «ՕՄՈՆ»-ը Ռուսաստանի Զինված ուժերի կազմում գտնվող ռազմական ոստիկանության հատուկ ստորաբաժանումների համակարգ է:
