«Հաղթեցինք` չնայած իմ և Անժելա Փութուլյանի նկատմամբ բոլոր հետապնդումներին՝ սկսած նախկին պատգամավոր Հենզել Մկոյանից, Սակրեբուլոյի նախագահից, անհիմն մեղադրանքներից, ոստիկանության ապարդյուն հետապնդումներից և հարցաքննություններից»,֊ արդարացման որոշման մասին ֆեյսբուքում գրառում է արել Գինոսյանը։
Խոսքը յուրացման փաստով քրեական գործի մասին է, որի շրջանակում մեղադրանք էր առաջադրվել Նինոծմինդայի մանկապարտեզների միավորման ղեկավար Նարինե Գինոսյանին և հաշվապահ Անժելա Փութուլյանին` մոտ 10 հազար լարի յուրացման փաստով։
Այս գործը 3 տարվա պատմություն ունի։ Նարինե Գինոսյանը գործը շինծու էր համարում, նա վստահ է, որ սա նախկին պատգամավոր Հենզել Մկոյանի վրեժն էր` ի պատասխան սեռական ոտնձգությունների մասին բարձրաձայնելուն։
Կնոջ խոսքով` այս ողջ ընթացքում նամակներ է ուղարկել Վրաստանի գլխավոր դատախազություն, մարդու իրավունքների պաշտպանին, նշել է, որ Հենզել Մկոյանը սպառնում ու հետապնդում է իրեն, բոլոր նամակներն անպատասխան են մնացել: Նարինե Գինոսյանը չի դադարեցրել հասարակական գործունեությունը։ Իսկ այս տարի մասնակցում է նաև տեղական ինքնակառավարման մարմինների ընտրություններին, առաջադրվել է Գախարիայի` Վրաստանի համար կուսակցությունից։
Քրեական գործի մասին`
Հենզել Մկոյանը վրեժ է լուծում. Նարինե Գինոսյանն՝ իր նկատմամբ հարուցված քր. գործի մասին
