Բաթումիի քաղաքային դատարանում երեկ` մարտի 31-ին ավարտվել է Մզիա Ամաղլոբելիի դատավարությունը։ Հաջորդ նիստը տեղի կունենա ապրիլի 14-ին, ժամը 13:00-ին։
Դատական նիստին ներկա է եղել նաև ինքը՝ Մզիա Ամաղլոբելին։
Երեկվա նիստում հարցաքննվել է Աջարիայի ոստիկանության հետաքննչական բաժնի պետ Բերդիա Փերաձեն։ Իրակլի Ջեբուաձեի տեղակալի հետ հունվարի 12-ին նա անձամբ է ձերբակալել Մզիա Ամաղլոբելիին։ Հարցաքննվել է նաև ոստիկան Թամար Կերեսելիձեն. նա է ներկայացրել Մզիա Ամաղլոբելիի ձերբակալության մասին զեկույցը։
Դատական նիստին զուգընթաց, դատարանի շենքի մոտ տեղի է ունեցել բողոքի ցույց ի պաշտպանություն Մզիա Ամաղլոբելիի՝ «ազատություն Մզիային» վանկարկումներով։
Նշենք. դատախազությունը Մզիա Ամաղլոբելիին մեղադրանք է առաջադրել Քրեական օրենսգրքի 353-րդ հոդվածի 1-ին մասով, նա մեղադրվում է Բաթումիի ոստիկանապետ Իրակլի Ջեբուաձեին ապտակելու համար։
Եթե Մզիա Ամաղլոբելին մեղավոր ճանաչվի, նրան սպառնում է չորսից յոթ տարվա ազատազրկում: Հունվարի 14-ին նրա նկատմամբ որպես խափանման միջոց է կիրառվել ազատազրկումը։
Ձերբակալությունից հետո Մզիա Ամաղլոբելին 38 օր հացադուլ էր հայտարարել։
