Ամերիկայի «Փեն» կենտրոնը Վրաստանում մշակութային քաղաքականության մասին զեկույց է հրապարակել, փոխանցում է RadioTavisipleba-ն:
Զեկույցում քննարկվում են վերջին 3 տարվա ընթացքում Վրաստանի Ազգային թանգարանում, Ազգային կինոկենտրոնում, Գրողների տանը և պետական թատրոններում ընթացող զարգացումները։
Կադրային փոփոխությունների, աննշան վերակազմավորման, անկախ ինստիտուտների անկախության սահմանափակման և քաղաքական հայացքների պատճառով մարդկանց հետապնդումների փաստերի վերլուծությունը թույլ է տալիս զեկույցի հեղինակներին խոսել մշակույթի ոլորտում ավտորիտար կառավարմանը բնորոշ ոճի ձևավորման մասին, որով կառավարությունը փորձում է վերահսկել և ճնշել բոլոր քննադատական ձայները և սահմանափակել խոսքի ազատությունը։
«Մշակույթի ճնշումը, ինչպես նաև հայտնի մշակութային գործիչների և հաստատությունների օգտագործումը կառավարական օրակարգերը խթանելու համար՝ ավտորիտար ռեժիմների մեթոդներ են ողջ աշխարհում: Մշակույթի գործիչները մեծ ազդեցություն ունեն հասարակության վրա և կարող են կարևոր դեր խաղալ բաց և ժողովրդավարական մշակույթի ձևավորման գործում: Հետևաբար, մենք չպետք է աչք փակենք այն բանի վրա, թե ինչպես են կառավարությունները հալածում և խեղդում անկախ միտքը, որը համայնքներին հնարավորություն է տալիս այլ ապագա պատկերացնել»,- ասված է զեկույցում։
Փաստաթղթի հեղինակները կարծում են, որ մշակույթի ոլորտում ընթացող գործընթացները դրական ազդեցություն չեն ունենա ո՛չ երկրում ժողովրդավարության վիճակի, ո՛չ էլ դեպի Եվրամիություն ձգտող Վրաստանի ճանապարհի վրա։
