Վրաստանից չվերահսկվող Աբխազիայի դե ֆակտո արտաքին գործերի նախարարությունն (ԱԳՆ) արձագանքել է Ռուսաստանի կողմից «Փսոու անցակետ»-ի նկատմամբ սահմանափակումներ մտցնելու մասին հաղորդագրություններին։
Լրատվամիջոցների տեղեկություններով, սահմանափակումը վերաբերում է «Աբխազիայի քաղաքացիներին», որոնք ունեն նաև Ռուսաստանի քաղաքացիություն. «աբխազական անձնագրով» դե ֆակտո սահմանը հատած ՌԴ քաղաքացիները կենթարկվեն վարչական պատասխանատվության։
«Արտաքին գործերի նախարարությունը տեղեկացնում է, որ խորհրդակցություններ են ընթանում ռուսական համապատասխան գերատեսչությունների հետ, այս պահին աբխազա-ռուսական պետական սահմանի հատման ռեժիմում փոփոխություններ չկան», — ասել են Սոխումիում։
Ըստ աբխազական կողմի՝ դե ֆակտո սահմանը հատելու կարգը կարգավորվում է «Քաղաքացիների առանց վիզայի տեղաշարժի մասին 2009 թվականի հոկտեմբերի 2-ի միջպետական համաձայնագրով»։ Այս «փաստաթղթի» համաձայն՝ քաղաքացիները կարող են օգտագործել անձը հաստատող ցանկացած վավեր փաստաթուղթ, որը հաստատում է «Աբխազիայի և Ռուսաստանի քաղաքացիությունը»։
Ավելի վաղ օկուպացված Աբխազիայի «նախագահ» Բադրա Գունբան ՌԴ նախագահ Վլադիմիր Պուտինի հետ հանդիպման ժամանակ բարձրացրել էր «երկքաղաքացիության» խնդրի լուծման հարցը։ Պուտինն ասել էր, որ ծրագիրը կշարունակվի, և համապատասխան հարցեր «կմշակվեն»։
Ըստ տարբեր աղբյուրների՝ Աբխազիայում բնակվող 243 հազար մարդկանցից 130 հազարը Ռուսաստանի քաղաքացիություն ունեն։
Ինչու է Մոսկվան պատժում աբխազներին. Աբխազիայում են հետաքրքրված
