Վրաստանում Ուկրաինայի ժամանակավոր ներկայացուցիչ Անդրեյ Կասյանովի խոսքով՝ Ռուսաստանը Վրաստանի օկուպացված տարածքներից և Հայաստանից լրացուցիչ զորք է տեղափոխում Ուկրաինա։ Տեղեկությունը տարածում են վրաստանյան ԶԼՄ-ները:
Ըստ ուկրաինացի դիվանագետի՝ ռուսական բանակը համալրման հետ կապված խնդիրներ ունի։
«Այժմ մենք հստակ տեղեկություն ենք ստանում, որ Ռուսաստանը Ուկրաինա լրացուցիչ զորքեր է ուղարկում տարբեր երկրներից ու քաղաքներից՝ Հայաստանից, Վրաստանի օկուպացված տարածքներից՝ Աբխազիայից և Ցխինվալիից», — ասել է Կասյանովը։
Ինչպես նշել է Կասյանովը, Ուկրաինայի պաշտպանության նախարարության տվյալներով, զորքերի տեղափոխումն իրականացվում է ցամաքային ճանապարհով՝ տարբեր երկրների միջոցով (խմբ. չեն նշվում երկրները):
Հարկ է նշել նաև, որ ըստ ուկրաինական կողմի հայտարարության, Վրաստանի օդային տարածքը չի օգտագործվում Ռուսաստանի շահերի համար։
