Վրաստանի կրթության և գիտության (ԿԳ) նախարար Գիորգի Ամիլախվարիի որոշմամբ՝ փոփոխություն է կատարվել Վրաստանի «Հանրակրթության մասին» օրենքում, ըստ որի՝ 2023-2024 ուսումնական տարում այն երեխաները, ովքեր մինչև նոյեմբեր 1-ը կդառնան 6 տարեկան, կկարողանան առաջին դասարան հաճախել:
«Դպրոցական ենթակառուցվածքների բարելավմամբ մենք այժմ կարողանում ենք արձագանքել գրանցման աճող պահանջարկին։
Մինչ այժմ թույլատրվում էր մինչև հոկտեմբերի 1-ը ծնվածներին հաճախել առաջին դասարան: Գործընթացը շարունակվելու է ենթակառուցվածքային գործընթացներին զուգահեռ, մենք ամեն տարի այս ժամկետը կավելացնենք: Ծնողների համար այս հարցը կամավոր է, նրանք կարող են որոշել՝ երեխային արդեն ուղարկել դպրոց, թե թողնել մանկապարտեզում»,- ասել է ԿԳ նախարարը։
Նրա պարզաբանմամբ՝ փոփոխությունը ներառված է «Հանրակրթության մասին» օրենքում և կներկայացվի խորհրդարանի հաստատմանը։
Նախարարությունից հայտնում են, որ նշված որոշման հիմքում ընկած են քաղաքացիների մի շարք հայտարարություններ, որոնք պահանջում են վերանայել Վրաստանում տարրական մակարդակով կրթություն սկսելու տարիքի կարգավորող նորմը։ Մինչև 6 տարեկան երեխաների ծնողների խնդրանքը բացառություն անելու վերաբերյալ հատկապես մեծ է հոկտեմբեր ամսին ծնված երեխաների՝ պետական և մասնավոր դպրոցներում ընդունվելու համար։
