Վրաստանի երրորդ նախագահ Միխեիլ Սաակաշվիլիի հիմնադրած կուսակցությունը, որը հոկտեմբերի 26-ին կայանալիք խորհրդարանական ընտրություններին մասնակցում է մի փոքր փոփոխված՝ «Միասնություն-Ազգային շարժում» կոալիցիոն անունով, Կենտրոնական ընտրական հանձնաժողով (ԿԸՀ) է ներկայացրել նախընտրական ցուցակը։

Այն գլխավորում է քաղաքական միավորման նախագահ Թինա Բոկուչավան։ Ցուցակի առաջաին տասնյակում է «Խորհրդային անցյալի լաբորատորիա»-ի (Sovlab) գիտաշխատող Իրակլի Խվադագիանին։ Նույն կուսակցությունից պատգամավորի թեկնածու է «Ընտրի՛ր Եվրոպան» քաղաքացիական շարժման համահիմնադիր Լելա Ջեջելավան։ Ցուցակի 7-րդ համարը Գիգի Ծերեթելին է, վերջինս այս միությանը միացել է մոտ մեկ ամիս առաջ՝ «Եվրոպական Վրաստանում» տեղի ունեցած պառակտումից հետո։

«Միասնություն-Ազգային շարժում» ընդդիմադիր կուսակցության ցուցակը հետևյալն է.

1. Թինա Բոկուչավա — «Միասնություն-Ազգային շարժում» կուսակցության նախագահ, խորհրդարանի անդամ,
2. Գիորգի Վաշաձե — «Ռազմավարություն Աղմաշենեբելի»-ի հիմնադիր, խորհրդարանի անդամ,
3. Սոփո Ջափարիձե — Թբիլիսիի քաղաքային խորհրդի անդամ, նախկին նախագահ Միխեիլ Սաակաշվիլիի անձնական ներկայացուցիչ,
4. Կոբա Նակղոփիա — պատգամավոր,
5. Գիա Ջափարիձե — նախկին դիվանագետ, քաղաքագետ,
6. Պետրե Ցիսկարիշվիլի — «Միասնություն-Ազգային շարժում» կուսակցության գլխավոր քարտուղար, խորհրդարանական մեծամասնության նախկին առաջնորդ,
7. Գիգի Ծերեթելի — «Եվրոպական Վրաստան»-ի հիմնադիրներից, խորհրդարանի նախկին փոխխոսնակ,
8. Իրակլի Խվադագիանի — պատմաբան, «Խորհրդային անցյալի լաբորատորիա»-ի խորհրդի նախագահ,
9. Թամար Կորձաիա — պատգամավոր,
10. Իրակլի Փավլենիշվիլի — «Միասնություն-Ազգային շարժում» կուսակցության անդամ, ակտիվիստ,
11. Կախաբեր Օքրիաշվիլի — պատգամավոր,
12. Ռամազ Նիկոլաիշվիլի — պատգամավոր,
13. Էկա Սարկեուլիձե — պատգամավոր,
14. Լևան Խաբեիշվիլի — «Միասնություն-Ազգային շարժում» քաղաքական խորհրդի նախագահ, խորհրդարանի պատգամավոր,
15. Լաշա Բաքրաձե — պատմաբան,
16. Անա Ծիթիձե — պատգամավոր,
17. Լևան Անթաձե — Աջարիայի Ինքնավար Հանրապետության Գերագույն խորհրդի անդամ,
18. Պաատա Մանջգալաձե — պատգամավոր,
19. Լելա Ջեջելավա — բանասիրական գիտությունների դոկտոր, «Ընտրի՛ր Եվրոպա» քաղաքացիական շարժման համահիմնադիր,
20. Գուբազ Սանիկիձե — պատգամավոր, պատմաբան,
21. Դիմիտրի Չիքովանի — «Միասնություն-Ազգային շարժում» քարտուղարության անդամ,
22. Գիորգի Չալաձե — իրավաբան:

Ի դեպ, սեպտեմբերի 26-ին լրացավ կուսակցությունների՝ նախընտրական ցուցակը ԿԸՀ ներկայացնելու ժամկետը։ Վրաստանում խորհրդարանական ընտրությունները տեղի կունենան հոկտեմբերի 26-ին։ Պատգամավորները կընտրվեն միայն համամասնական ընտրակարգով: Խորհրդարանի պատգամավորների մանդատները կբաշխվեն 5 տոկոսի շեմը հաղթահարած քաղաքական կուսակցությունների միջև։