Ըստ Վրաստանի Նախագահ Սալոմե Զուրաբիշվիլիի՝ իշխանությունները Զազա Գախելաձեի գործի հետ կապված պետք է ուժեղացնեն ԵՄ դիտորդական առաքելությունը:
«Վրաստանի կառավարությունը պետք է անի միայն մեկ բան, և դա ԵՄ-ի դիտորդական առաքելության ակտիվացումն ու ուժեղացումն է: Ես երկար ժամանակ է պահանջում եմ, որ աշխատեն այդ շրջանակը մեծացնելու ուղղությամբ: Սա է այն, ինչ այսօր առկա է մեր հնարավորությունների մեջ, և մեզ համար անհրաժեշտ է գործել բոլոր ուղղություններով», — ասել է Սալոմե Զուրաբիշվիլին Զուգդիդիում, որտեղ նա մասնակցում է Վլաքերնայի տոնակատարությանը:
Զազա Գախելաձեն ձերբակալվել է ռուս զինծառայողների կողմից հուլիսի 11-ին ՝ Հարավային Օսիայի հետ շփման գծի մոտ՝ Սխվիլո ամրոցի մոտակայքում: Նա ոտքի շրջանում վիրավորում է ստացել: Առաջին բուժօգնությունը ցուցաբերվել է Ախալգորիի հիվանդանոցում, որից հետո նրան տեղափոխել են Ցխինվալի:
Վրաստանի արտաքին գործերի նախարարությունը միջադեպը գնահատում է որպես Ռուսաստանի օկուպացիոն ուժերի հերթական սադրանք և պահանջում է անհապաղ արտահանձնել Զազա Գախելաձեին վրացական կողմին:
Վրաստանում ԱՄՆ դեսպանությունը արձագանքել է կատարվածին և խորը մտահոգություն հայտնել:
