«Երկրի սեփական ռեսուրսների մասին կարող ենք ասել, որ մենք չունենք ո՛չ գազ, ո՛չ նավթ, բայց ունենք մշակույթ», — «Մշակույթների միություն — Վրաստանի և Եվրոպայի ստեղծագործական ապագայի զարգացումը» միջազգային գիտաժողովում ասել է Վրաստանի նախագահ Սալոմե Զուրաբիշվիլին:
Երկրի ղեկավարը խոսել է Վրաստանի համար մշակույթի նշանակության մասին՝ ընդգծելով նաև, որ Վրաստանը Եվրոպայի մի մասն է, իսկ մշակույթի զարգացման հարցում Վրաստանի գլխավոր աջակիցը հենց Եվրոպան է:
«Մշակույթը Վրաստանի համար ընդամենը բառ չէ: Մշակույթը Վրաստանի էությունն է, պատմությունը, անցյալն ու ապագան: Առանց մշակույթի իրականում Վրաստանը մինչև այս օրը չէր հասնի: Այն, որ Վրաստանը փրկվել է դարերի ընթացքում տեղի ունեցած բազմաթիվ հարձակումներից կապված է հենց մշակույթի հետ՝ իր եվրոպական, ու քրիստոնեական մշակույթի հետ»,- ասել է Զուրաբիշվիլին:
