Վրաստանը այսօր կհյուրընկալի Եվրախորհրդարանի արտաքին հարաբերությունների հանձնաժողովի պատվիրակությանը։ ԵԽ-ի պատվիրակներն այսօրվանից մի շարք պաշտոնական հանդիպումներ կանցկացնեն Թբիլիսիում։

Հանդիպումների շրջանակներում կքննարկվի Վրաստանի և ԵՄ-ի միջև ասոցացման համաձայնագրի վերաբերյալ տարեկան զեկույցը և Վրաստանի դիմումը ԵՄ թեկնածուի կարգավիճակ ստանալու մասին։

Այցի շրջանակներում պատվիրակության ներկայացուցիչները կհանդիպեն Վրաստանի նախագահի, հանրային պաշտպանի, հասարակական հատվածի, ինչպես նաև գործադիր իշխանության և ընդդիմության ներկայացուցիչների հետ։

Եվրախորհրդարանի պատվիրակությունը գլխավորում է հանձնաժողովի նախագահ Դեյվիդ Մակալիստերը։

Բացի Վրաստանից, Եվրախորհրդարանի պատգամավորները կայցելեն նաև Հայաստան և Ադրբեջան։