Վրաստանի կրթության, գիտության և երիտասարդության նախարարությունը (ԿԳԵ) սահմանել է հանրակրթական դպրոցների I-XII դասարանցիների էքստեռն կարգով քննություն հանձնել ցանկացողների ծրագիրը, ցանկացողների գրանցման և քննությունների ժամկետները։

Հաղորդագրության համաձայն, էքստեռն քննությանը մասնակցելու ցանկություն ունեցող անձինք կարող են գրանցվել 2025 թվականի փետրվարի 27-ից մարտի 13-ը, իսկ քննությունը կանցկացվի 2025 թվականի մարտի 17-ից ապրիլի 4-ը։

Քննություն հանձնելու իրավունք ունի այն անձը, որի տարիքը համապատասխանում է կամ գերազանցում է արտաքին կանոնով հանձնվելիք դասարանի սովորողների տարիքային խմբին, և նա յուրացրել է նախորդ դասարանի կրթական ծրագիրը։

Էքստեռն կարգով կրթություն ստանալու շահագրգիռ չափահաս անձը կամ անչափահաս շահագրգիռ անձի օրինական ներկայացուցիչը գրանցման համար սահմանված ժամկետներում դիմում է ներկայացնում ռեսուրս կենտրոն՝ անհրաժեշտ փաստաթղթերի հետ միասին: