Մառնեուլիի քաղաքապետարանն այս տարի քաղաքի տոնական զարդարանքի համար անցյալ տարվա համեմատ 10 անգամ ավելի շատ գումար կծախսի։ Այս մասին տեղեկացրել է Մառնեուլիի քաղաքապետ Զաուր Դարգալին։
Քաղաքին տոնական տեսք տալու համար քաղաքապետարանն արդեն հայտարարել է 247 000 լարիի մրցույթ: Հաղորդում է marneulifm.ge-ն:
«Որպես այս քաղաքի բնակիչ և Մառնեուլիի քաղաքապետ, ես ցանկանում եմ, որ Նոր տարին այս անգամ տարբերվի, քաղաքացիներն ավելի գեղեցիկ տարեմուտի ականատես դառնան: Կենտրոնական փողոցներում լույսերը փոխելու ենք, շատրվանները, կամուրջը լուսավորվելու, Մշակույթի տան առջև կազմակերպելով ամանորյա միջոցառում: Անսալով լուսավորության մասին քաղաքացիների բողոքին, մենք այս տարի սկսեցինք աշխատել այդ ուղղությամբ», — ասում է Մառնեուլիի քաղաքապետը:
Անցյալ տարի 2019-ը քաղաքային իշխանությունները դիմավորել են՝ ծախսելով 55 000 լարի։ Դրա մեջ ներառված էր ամանորյա երեկոն (14 050 լարի), տոնածառի զարդարանքը (14 400 լարի) և քաղաքի զարդարանքը (25 719 լարի): Իսկ այս տարի միայն քաղաքի լուսավորությունը կարժենա 247 000 լարի:
