Ի զորակցություն Իտալիայի՝ Թբիլիսիի հայտնի հեռուստաաշտարակը լուսավորվել է Իտալիայի դրոշի երանգներով:
«Իտալիա, Վրաստանը ձեզ հետ է». Սոցիալական ցանցերի տարբեր հարթակներում, վրացալեզու խմբերում բազմաթիվ օգտատերեր իրենց զորակցությունն են հայտնում բարեկամ Իտալիային ու կորոնավիրուսով բոլոր վարակվածներին առողջություն մաղթում:
Թբիլիսիի սակրեբուլոյի (քաղաքային խորհուրդ) շենքը ևս Իտալիայի դրոշի երանգներով է լուսավորվել։
Իտալիան այս պահին շարունակում է առաջատարը մնալ՝ մահացու վարակի տարածման ու զոհերի թվով: Վերջին օրվա ընթացքում միայն երկրում մահվան մոտ 800 դեպք է գրանցվել: Իտալիայում ընդհանուր վարակի զոհ է դարձել մոտ 5000 մարդ:
