«Թրանսփարենսի Ինթերնեշնլ-Վրաստան» (TI) հասարակական կազմակերպությունը (ՀԿ) զեկույց է հրապարակել, որում խոսում է՝ շուրջ 200 լրագրողների և լրատվամիջոցների այլ ներկայացուցիչների դատական գործերի վերանայման ընթացքում ի հայտ եկած հիմնական միտումների մասին։
TI-ի գնահատմամբ՝ այս միտումները մի կողմից ուղղակիորեն հակասում են օրենքներին, մյուս կողմից սպառնում են դատարանի կողմից խոսքի և արտահայտվելու ազատության բարձր չափանիշներին։
ՀԿ-ն նշում է, որ գրեթե բոլոր գործերով խախտվել է գործերի քննության օրենսդրական ժամկետը, և ընդգծվել է, որ լրատվամիջոցների ներկայացուցիչների դեմ զրպարտության վերաբերյալ հայցերը դատարանի համար առաջնահերթություն են և քննարկվում են ավելի կարճ ժամկետում։
Կազմակերպությունը ԶԼՄ-ների վրա ապացուցման բեռը դնելու միտումն անվանում է «վերջնական որոշման վրա էական ազդեցություն»։
TI-ն խոսում է նաև այն մասին, որ աշխատանքային իրավունքի բովանդակության վեճերում նույնպես ապացուցման բեռի ոչ ճիշտ բաշխման միտում է եղել։
«Թրանսփարենսի Ինթերնեշնլ-Վրաստանը» կարծում է, որ իշխանությունը դատարանն օգտագործում է որպես լրացուցիչ լծակ քննադատող լրատվամիջոցների և լրագրողների դեմ, իսկ լրատվամիջոցների ներկայացուցիչների դեմ կայացված որոշումները էապես վատթարացնում են երկրում թե՛ խոսքի ազատության, թե՛ աշխատանքային իրավունքների պաշտպանության բարձր մակարդակը։
