Վրաստանի ընդդիմադիր «Լելոն Վրաստանի համար» կուսակցությունը հանդես է եկել Վրաստանում Ռուսաստանի ագրեսիվ քաղաքականության խորհրդանիշներն արգելելու նախաձեռնությամբ։
Կուսակցության առաջնորդներից Սալոմե Սամադաշվիլին հայտարարել է, որ արգելված ցուցակում պետք է ներառվեն «Սուրբ Գիորգիի ժապավենը» և լատիներեն Z և V տառերը, որոնք դարձել են Ռուսաստանի խորհրդանիշները՝ Ուկրաինայում սանձազերծած պատերազմի ժամանակ։
Հիշեցենք՝ Ռուսաստանը փետրվարի 24-ի առավոտյան պատերազմ է սանձազերծել Ուկրաինայի դեմ, որը շարունակվում է առ այսօր։
Ուկրաինայի վրա հարձակումից հետո ռուսական քարոզչությունը Z և V տառերը դարձրեց պատերազմի գլխավոր խորհրդանիշ։
