Գուդաուրի-Կոբի հատվածում անցկացված ձյան մաքրման աշխատանքների արդյունքում թեթև ավտոտրանսպորտային միջոցների երթևեկությունը վերականգնվել է: Այս մասին հայտնում են Վրաստանի տարածքային զարգացման և ենթակառուցվածքների նախարարության ճանապարհային բաժնից:
Նույն տեղեկատվությամբ, եղանակային խիստ պայմանների պատճառով միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Փոստա հատվածում կցորդով և կիսակցորդով տրանսպորտային միջոցների երթևեկությունն արգելված է, իսկ մնացած տեսակի տրանսպորտային միջոցների երթևեկությունն ազատ է:
