«Վրացական երազանք»-ը խորհրդարան է ներկայացրել պիրոտեխնիկայի ներմուծման և առքուվաճառքի կանոնների խստացման օրինագիծ:
Հանրահավաքների ժամանակ արգելված իրերի ցանկում նաև կավելացվի պիրոտեխնիկան՝ հրազենի ու պայթուցիկ նյութերի հետ մեկտեղ։
Նախատեսվում է, որ այս շաբաթ օրենքն արագացված կարգով կընդունվի։
Օրինագծի համաձայն՝ պիրոտեխնիկայի ներմուծման, արտադրության և վաճառքի թույլտվությունը կտրամադրի ներքին գործերի նախարարությանը կից քաղաքացիական անվտանգության գործակալությունը։ Կառավարությունը մինչև փետրվարի 1-ը պետք է մշակի պիրոտեխնիկայի առևտրի տեխնիկական կանոնակարգերը։ Կհաստատվեն նաև թույլտվություն/լիցենզիա տալու կանոններն ու պայմանները։
Առևտրի լիցենզիայի առաջարկվող արժեքը կկազմի 200 լարի, իսկ խախտումների համար տուգանքները կսկսվեն 2 հազար լարիից:
Առանձին լիցենզիա կպահանջվի որոշակի տեսակի պիրոտեխնիկայի օգտագործման համար։
Պիրոտեխնիկական արտադրանքի պահպանման, փոխադրման կամ օգտագործման կանոնները խախտելը, որը կհանգեցնի ծանր հետևանքների, պատժվում է ոչ միայն տուգանքով, այլև ազատազրկմամբ՝ 2-ից 5 տարի ժամկետով։
Նշենք, որ «Վրացական երազանք»-ը «վերակազմավորման» անվան տակ հեշտացնում է պետական աշխատողների աշխատանքից ազատելու գործընթացը, նաև ցուցարարներին արգելելու ցույցերի ընթացքում «տարբեր ձևերով թաքցնել իրենց դեմքերը»։
Հայտնի դարձավ նաև, որ Վրաստանի իշխող «Վրացական երազանք» կուսակցությունը նախատեսում է պարզեցնել ներքին գործերի նախարարարության (ՆԳՆ) աշխատակից դառնալու կարգը:
