Վրաստանի կրթության ոլորտի հետազոտողները դեմ են «ռուսական օրենքին»։
Վրաստանի բարձրագույն ուսումնական հաստատությունների կրթական գիտությունների ոլորտի ներկայացուցիչները՝ պրոֆեսորներ, գիտաշխատողներ և դոկտորանտներ, համատեղ հայտարարություն են հրապարակել։
Հայտարարության մեջ ասվում է, որ իրենք չափազանց կարևոր են համարում կառուցել հասարակություն՝ հիմնված անձնական և համայնքային հզորացման ու ազատության, երկխոսության և համագործակցության, սոցիալական արդարության, մարդկայնացման և քննադատական իրազեկման սկզբունքների վրա։
«Վրացական հասարակության մշակութային և քաղաքացիական ինքնությունը հիմնված է եվրոպական արժեքների և արևմտյան արժեքների գիտակցված ընտրության վրա։ Վրացական կրթության պատմության մեջ ցանկացած շրջադարձային իրադարձություն իր բնույթով եվրոպամետ էր:
Կրթությունն իր էությամբ սահմանում է քաղաքականությունը և, միևնույն ժամանակ, սահմանվում է քաղաքականությամբ։ Նրա ներդրումը որոշիչ է արժեքների ձևավորման և ամրապնդման կամ դրանց փոփոխության և սոցիալական վերափոխման գործընթացներում» , — հայտարարել են նրանք։
Նրանց խոսքով` մի իրավիճակում, երբ քաղաքական օրակարգը և գործընթացները անտեսում են երկխոսության սկզբունքը և միտումնավոր խարխլում անձնական ինքնավարությունը, ապաէ դա ճեղքեր է ստեղծում հասարակության մեջ և խաթարում է ինքնիշխան և պատասխանատու քաղաքացիների օրգանական միավորների կողմից ձևավորված սոցիալական կառուցվածքը.
«Կրթության ոլորտում աշխատող ակադեմիական համայնքը լիովին համաձայն է, որ Վրաստանի անկախ քաղաքացիական հասարակության կարևորագույն պատմական ձեռքբերումներից է Վրաստանի Սահմանադրության 78-րդ հոդվածը, որը սահմանադրական մարմիններին հանձնարարում է Վրաստանի քաղաքացիների անունից ձեռնարկել բոլոր միջոցները` Եվրամիությանը և Հյուսիսատլանտյան դաշինքին Վրաստանի լիարժեք ինտեգրման համար»։
Նրանք նաև նշել են, որ ներկայումս կառավարության կողմից ստեղծված քաղաքական օրակարգը և օրենսդրական նախաձեռնությունները, ցավոք, ոչ միայն բացառում են 78-րդ հոդվածի կատարումը, այլ նաև կանխում են Վրաստանի քաղաքացիների անսասան կամքը՝ ստեղծելու ժողովրդավարական հասարակական ինստիտուտներ, տնտեսական ազատություն, սոցիալական և իրավական պետություն, ապահովելու համընդհանուր ճանաչված մարդու իրավունքներն ու ազատությունները։
Ընդգծենք` վրաստանյան տարբեր բուհերի դասախոսներ հայտարարում են, որ երկուշաբթի օրը, երբ խորհրդարանի իրավական հարցերի հանձնաժողովում երրորդ ընթերցմամբ կքննարկի «ռուսական օրենքը», իրենք դասախոսություն չեն անցկացնի։
