Ժամեր առաջ Բաթումիի նավահանգստից Բաթումիի ինֆեկցիոն հիվանդանոց է տեղափոխվել կորոնավիրուսի ախտանշաններով հիվանդ: Վերջինս փետրվարի 25-ին Իտալիայից Վրաստան է ուղևորվել Ուկրաինայով, Բաթումի է հասել նախօրեին:
Հիվանդի մոտ ջերմություն է արձանագրվել, ինչից հետո նրան տեղափոխել են Բաթումիի ինֆեկցիոն հիվանդանոց: Եթե նրա մոտ կորոնավիրուս հաստատվի, հնարավոր է տեղափոխվի Թբիլիսիի ինֆեկցիոն հիվանդանոց:
Նշենք, այս պահի դրությամբ Բաթումիի կարանտինում 30 մարդ է գտնվում, կլինիկայում բուժվում են երեքը:
