«Վրացական երազանք» իշխող կուսակցության նախագահ Իրակլի Կոբախիձեն Թբիլիսիում ընթացող միջազգային համաժողովի մասնակիցներին (մասնակցում են ռազմավարական գործընկերներ և դեսպաններ) մեղադրել է բևեռացում հրահրելու համար։
«Դուք տեսնում եք Մակքեյնի կոնֆերանսը, և թե ովքեր են ներկա: Վրաստանում ով էլ որ բևեռացում է առաջացնում, այնտեղ ներկայացված է, բացարձակապես բոլորն են ներկայացված: Ես չգիտեմ, թե ինչու են արմատականության և բևեռացման քայլերը որպես սովորական քայլ ներկայացվում: Մենք դրա արձագանքը նույնպես կունենանք»,- լրագրողներին ասել է Իրակլի Կոբախիձեն։
Կոբախիձեն Եվրախորհրդարանի պատգամավոր Վիոլա ֆոն Կրամոնին անվանել է երկրի թշնամի և ասել, որ նրա հայտարարությունները «թշնամանք են պետական շահերի դեմ»։
«Դուք տեսել եք, օրինակ, Վիոլա ֆոն Կրամոնի հայտարարությունը, որ բանաձևն արդյունք է տվել, արդյունքը Բիձինա Իվանիշվիլիի նկատմամբ այս պատժամիջոցներն են և այլն։ Հիմա ես ինչպե՞ս անվանեմ նրան եվրոպացի պատգամավոր։ Իհարկե, սա ուղղակի թշնամանք է պետության շահերի դեմ, երբ Եվրախորհրդարանի պատգամավորը ձեզ մեղադրում է հակասահմանադրական գործունեության համար, սա ուղղակի թշնամական վերաբերմունք է երկրի նկատմամբ», — ասել է Կոբախիձեն։
Սեպտեմբերի 5-6-ը Թբիլիսիում անցկացվում է «Փառք Ուկրաինային» միջազգային համաժողովը, որին մասնակցում են միջազգային բարձրաստիճան հյուրեր, դիվանագետներ, քաղաքական գործիչներ, լրատվամիջոցների ներկայացուցիչներ և քաղաքական մեկնաբաններ։
