Վրաստանի ընդդիմադիր «Կոալիցիա փոփոխությունների համար- Գվարամիա, Մելիա, Գիրչի «Դրոա»» կուսակցությունը ներկայացրել է կուսակցական ցուցակի առաջին 20-յակը:

Ցուցակի առաջին համարը Նանա Մալաշխիան է՝ «ԵՄ դրոշով կինը», որը դարձավ 2023 թվականի մարտի արևմտամետ ցույցերի խորհրդանիշը. նա պետական ​​աշխատող է։ Մալաշխիան Թբիլիսիի քաղաքապետարանի քաղաքային ծառայություններից մեկում աշխատում է որպես առաջատար մասնագետ:

Ընդդիմադիր կոալիցիայի նախընտրական ցանկը հետևյալն է.

1. Նանա Մալաշխիա — Թբիլիսիի քաղաքապետարանի քաղաքային ծառայություն, առաջատար մասնագետ,
2. Նիկա Մելիա — «Կոալիցիա փոփոխությունների համար» կուսակցության նախագահ, խորհրդարանի նախկին պատգամավոր,
3. Զուրաբ Գիրչի Ջափարիձե — «Գիրչի — առավել ազատություն» կուսակցության հիմնադիր, խորհրդարանի նախկին պատգամավոր,
4. Գիգա Լեմոնջավա — «Կոալիցիա փոփոխությունների համար» կուսակցության անդամ,
5. Թենգիզ Թևզաձե — «Կոալիցիա փոփոխությունների համար» կուսակցության անդամ,
6. Ցոտնե Կոբերիձե — Թբիլիսիի քաղաքային խորհրդի ղեկավար,
7. Գիորգի Կիրթաձե — Աջարիայի Ինքնավար Հանրապետության Գերագույն խորհրդի նախկին պատգամավոր;,
8. Իվանե Ճկղոնիա — գործարար, «Դիստրիբյուտորների ասոցիացիայի» ղեկավար, վերջերս միացել է «Կոալիցիա փոփոխությունների համար» կուսակցությանը,
9. Խաթունա Սամնիձե — Վրաստանի 10-րդ գումարման խորհրդարանի պատգամավոր,
10. Օկտայ Քազումով — գրող և թարգմանիչ,
11. Մաիա Կոպալեիշվիլի — Սահմանադրական դատարանի նախկին դատավոր, Թբիլիսիի պետական ​​համալսարանի պրոֆեսոր,
12. Բորիս (Չելե) Կղուրուա — «Կոալիցիա փոփոխությունների համար» կուսակցության անդամ,
13. Անա Գոգոլաձե — Թբիլիսիի քաղաքային խորհրդի անդամ,
14. Գիորգի Բուտիկաշվիլի — «Կոալիցիա փոփոխությունների համար» կուսակցության անդամ, գիտաշխատող,
15. Գիորգի Իմեդաշվիլի — «Կոալիցիա փոփոխությունների համար» կուսակցության անդամ,
16. Էլենե Խոշտարիա — «Դրոա» կուսակցության հիմնադիր, նախկին պատգամավոր,
17. Սոփյա Գոլեթիանի — «Կոալիցիա փոփոխությունների համար» կուսակցության անդամ,
18. Մարիկա Արևաձե — «Կոալիցիա փոփոխությունների համար» կուսակցության անդամ, իրավաբան,
19. Անի Քավթարաձե — «Կոալիցիա փոփոխությունների համար» կուսակցության անդամ, բժիշկ, գործարար,
20. Թոռնիկե Բիկաշվիլի — Թբիլիսիի քաղաքային խորհրդի անդամ։

Կուսակցության ցուցակում չկա միության առաջնորդ Նիկա Գվարամիան, նա սեպտեմբերի 25-ին կայացած ճեպազրույցում ասել է, որ կմնա կոալիցիայի առաջնորդը, կգլխավորի նախընտրական քարոզարշավը։ Քաղաքական գործիչը նաև ասել է, որ ինքը չի լինելու վարչապետի թեկնածու, իրեն չի տեսնում ապագա նախարարների կաբինետում։

Ի դեպ, սեպտեմբերի 26-ին լրանում է կուսակցությունների՝ նախընտրական ցուցակը ԿԸՀ ներկայացնելու ժամկետը։ Վրաստանում խորհրդարանական ընտրությունները տեղի կունենան հոկտեմբերի 26-ին։ Պատգամավորները կընտրվեն միայն համամասնական ընտրակարգով: Խորհրդարանի պատգամավորների մանդատները կբաշխվեն 5 տոկոսի շեմը հաղթահարած քաղաքական կուսակցությունների միջև։