«Վրաստանի երիտասարդ իրավաբանների ասոցիացիան» (GYLA) ներկայացրել է Արդարադատության բարձրագույն խորհրդի 12-րդ մոնիտորինգի զեկույցը, որում վերանայվում է 2023 թվականի հունվարի 1-ից դեկտեմբերի 31-ն ընկած ժամանակահատվածը։

Ըստ GYLA-ի՝ արդարադատության համակարգի հիմնական մարտահրավերը շարունակում է մնալ, այսպես կոչված, կլանային իշխանությունը։

Կազմակերպության տվյալներով, հաշվետու ժամանակահատվածում տեղեկատվական հրապարակայնության առումով իրավիճակը կտրուկ վատթարացել է, և Արդարադատության բարձրագույն խորհուրդը վերածվել է լիովին փակ գերատեսչության։ GYLA-ն մատնանշում է, որ 2023 թվականին հանրային տեղեկատվություն ստանալու համար Արդարադատության բարձրագույն խորհուրդ ուղարկված 8 նամակներին մինչ այժմ չեն պատասխանել։

Նշված է նաև, որ հիմնական մարտահրավերը համակարգում տիրող կորպորատիվությունն է, և որ ազդեցիկ դատավորները լիովին իրենց բուռն են հավաքել համակարգը և նրա հիմնական մարմինը՝ Արդարադատության բարձրագույն խորհուրդը։

Զեկույցում ասված է, որ Խորհրդի լայն և բազմազան լիազորությունները շարունակում են մարտահրավեր մնալ, ներառյալ` նրա դերը Արդարադատության դպրոցի անկախ խորհրդի անդամների և նախագահի ընտրության հարցում:

GYLA-ն նաև գնահատական է տվել իշխանությունների կողմից դատաիրավական բարեփոխումների վերաբերյալ Եվրոպական հանձնաժողովի հանձնարարականների կատարումը: Կազմակերպությունը գրել է, որ հաշվետու ժամանակահատվածում մշակված բոլոր օրենսդրական փոփոխությունները կրել են մակերեսային բնույթ և չեն ծառայել համակարգում առկա իրական մարտահրավերների լուծմանը։