Քոչորաշվիլին «Լևանտե»-ից տեղափոխվում է «Սպորտինգ»

Վրաստանի հավաքականի կիսապաշտպան Գիորգի Քոչորաշվիլին իսպանական «Լևանտե» ակումբից տեղափոխվում է պորտուգալական «Սպորտինգ» (Sporting CP): Տեղեկությունը հրապարակված է «Լևանտե»-ի պաշտոնական կայքում։

Ակումբից հայտնել են, որ նախորդ շաբաթավերջին Քոչորաշվիլիի տրանսֆերի շուրջ համաձայնություն է ձեռք բերվել «Սպորտինգի» հետ։

Նույն աղբյուրի համաձայն՝ Քոչորաշվիլին վարձավճարով կմնա «Լևանտե»-ում մինչև 2025 թվականի հունիսի 30-ը, իսկ հետո կտեղափոխվի Պորտուգալիա։

«Սպորտինգ»-ը համաշխարհային ֆուտբոլի լեգենդ, բոլոր ժամանակների լավագույն ֆուտբոլիստներից մեկի՝ Կրիշտիանու Ռոնալդուի պրոֆեսիոնալ կարիերայի առաջին ակումբն է։