Վրաստանի Քոբուլեթիի մունիցիպալիտետում թունավոր օձի խայթոցից գերմանացի 44-ամյա զբոսաշրջիկ է մահացել:
Քոբուլեթիի Չաիսուբանի գյուղի քաղաքապետի ներկայացուցիչ Ջումբեր Կղուրշուբաձեն ասել է, որ տղամարդը մահացել է օձի խայթոցից մի քանի րոպե անց։ Դեպքը տեղի է ունեցել երեկ՝ հուլիսի 29-ին։
Primetime.ge լրատվամիջոցի փոխանցմամբ՝ օձը զբոսաշրջիկին է պատկանել։
Ներքին գործերի նախարարությունը հետաքննություն է սկսել Քրեական օրենսգրքի 115 հոդվածով (ինքնասպանության հասցնելը)։ Եթե ենթադրյալ հանցագործության հետքեր չկան, որպես կանոն` հետաքննությունն սկսվում է հենց այս որակմամբ։
